Po vuan nga dhimbjet e shpinës në pjesën e poshtme?
Adoptimi i zakoneve të shëndetshme të jetesës mund të ndihmojë në lehtësimin e dhimbjeve më mirë se trajtimet tradicionale, zbulon studimi i ri shkruan burimi Health Day përcjell Gazeta Shneta.
Të sëmurët nga dhimbjet e shpinës që morën këshilla për përmirësimin e stilit të jetesës funksionuan më mirë dhe kishin një cilësi më të mirë të jetës krahasuar me ata që morën kujdesin standard, sipas rezultateve të studimit të publikuar më 10 janar në revistën “JAMA Network Open”.
“Zgjidhja e dhimbjes së shpinës duhet të fokusohet në më shumë se thjesht shpinën,” tha Chris Williams, hulumtues i lartë në Universitetin e Sidneit në Australi.
“Trupat tanë nuk janë si makina, ne jemi më shumë si ekosisteme ku shumë faktorë ndërveprojnë dhe përcaktojnë se si funksionojmë dhe si ndjehemi,” vazhdoi Williams. “Dhimbja e shpinës nuk është ndryshe.”
Fizioterapeutët, dietologët dhe këshilltarët shëndetësorë ndihmuan individët që ishin në grupin e këshillimit të kuptonin cilat nga zakonet e tyre të jetesës mund të bënin që dhimbja e shpinës të përkeqësohej.
Këta faktorë rreziku mund të përfshijnë peshën e tepërt, mungesën e aktivitetit fizik, dietën e keqe ushqyese, gjumin e dobët, duhanpirjen ose përdorimin e tepërt të alkoolit, shpjeguan hulumtuesit.
Për gjashtë muaj, grupit të këshillimit iu ofrua mbështetje për t’u ndihmuar të merren me faktorët që mund të lidhen me dhimbjen e shpinës.
Në fund të studimit, individët në grupin e këshillimit për jetesën kishin më pak paaftësi nga dhimbja e shpinës se ata në grupin kontroll, tregojnë rezultatet.
“Kur dikush ka dhimbje shpine që nuk përmirësohen, ata duhet të presin të marrin një trajtim gjithëpërfshirës për një gamë faktorësh shëndetësorë, jo vetëm një fokus në atë që ndodh në shtyllën kurrizore,” tha Williams.
Rezultatet tregojnë se ilaçet e zakonshme për dhimbje dhe procedurat për trajtimin e dhimbjeve të shpinës mund të mos jenë aq efikase sa ndihma për individët që të përballen me zakonet e tyre të shëndetshme, përfunduan hulumtuesit. /Gazeta Shneta/