Nivele të ulëta të vitaminave ose mineraleve thelbësore janë të zakonshme tek njerëzit me diabet të tipit 2, sipas një rishikimi të ri të provave shkencore.
Në përgjithësi, deri në 45% e personave me diabet të tipit 2 vuajnë nga mungesa e shumëfishtë e vitaminave, mineraleve dhe elektroliteve, raportuan studiuesit më 28 janar në revistën “BMJ Nutrition, Prevention & Health”.
Ky rishikim “ilustron barrën e dyfishtë të kequshqyerjes,” ku njerëzit që përpiqen të menaxhojnë diabetin përmes dietës përfundojnë me mungesa ushqyese, përfundoi ekipi kërkimor i udhëhequr nga Dr. Daya Krishan Mangal, profesor në Institutin Ndërkombëtar të Kërkimeve për Menaxhimin e Shëndetit në Jaipur, Indi.
Për këtë rishikim, studiuesit analizuan rezultatet e 132 studimeve të mëparshme, të cilat përfshinin më shumë se 52,500 pjesëmarrës midis viteve 1998 dhe 2023.
Niveli shumë i ulët i vitaminës D ishte mungesa më e zakonshme që prekte më shumë se 60% të personave me diabet të tipit 2, shkruan Health Day transmeton Gazeta Shneta.
Mungesa të tjera të zakonshme përfshinin magnezin (42%), hekurin (28%) dhe vitaminën B12 (22%).
Personat që përdorin ilaçin për diabet metformin kishin rrezik më të lartë për mungesë të vitaminës B12, me 29% që rezultuan me nivele të ulëta të kësaj vitamine.
Gratë me diabet ishin më të prirura ndaj mungesave të vitaminave sesa burrat, 49% kundrejt 43%, sipas rezultateve. /Gazeta Shneta/