Çarja e buzës dhe e qiellzës te fëmijët është një prej anomalive më të shpeshta në regjionin e kokës dhe qafës e cila ndodh gjatë zhvillimit embrional të fëmijës mes javës së katërt deri në javën e dymbëdhjetë.
Kirurgu maksillofacial Dr. Leminot Salihu tregon disa nga faktorët që e shkaktojnë këtë anomali.
“Fillimisht një prej faktorëve është faktori gjenetik, ku nëse njëri prind apo një i afërm i parë ka pasur apo ka lindur me çarje të buzës apo qiellzës rreziku që fëmiu të lind me çarje të buzës është më i madh se te ata që nuk kanë pasur, pastaj është abuzimi apo përdorimi gjatë shtatzanisë alkool apo duhan, ekspozimi ndaj kimikateve të cilat shkaktojnë probleme në fryt pastaj kequshqyeshmëria e nënës sidomos mungesa e acidit folik” u shpreh ai.
Tutje Dr. Leminot Salihu shpjegon se cila moshë e fëmijëve është më adekuate për ndërhyrje kirurgjikale ndaj kësaj anomalie .
“Çarja e buzës duhet të bëhët prej mujit tre deri në muajin e gjashtë të fëmijës nëse gjendja e pergjithshme e fëmijës e lejon intervenimin, ku në këtë moshë bëhet intervenimi dhe duhet të rikrijohet dukja normale e buzës dhe e hundës pastaj te qiellza, intervenimet e qiellzës duhet të bëhet prej muajit nëntë deri 18 muajsh ku duhet të mbyllet qarja dhe të rikuperohet të folurit dhe të ushqyerit e fëmijës”- tha Dr. Salihu.
Dr. Salihu këshillon të gjithë prindërit që përballen me këto raste të mos hezitojnë por të kontaktojnë sa më herët me kirurgun për trajtim të mëtutjeshëm.
Për më shumë ndiqni videon më poshtë: