Një test gjaku mund të ndihmojë njerëzit me sindromën e zorrës së irrituar (IBS) të eliminojnë ushqimet specifike që mund të përkeqësojnë gjendjen e tyre, sugjeron një studim i ri.
Rreth 60% e pacientëve me IBS, të cilët ndjekën një dietë të udhëzuar nga rezultatet e testit të gjakut, përjetuan dhimbje më të vogla stomaku, raportuan hulumtuesit së fundmi në revistën “Gastroenterology”, shkruan burimi Health Day përcjell Gazeta Shneta.
Testi “kërkon verifikim shtesë, por mund të na afrojnë një hap më shumë në një qasje të ‘ushqyerjes precize’, ku ofruesit mund të ofrojnë rekomandime dietike të personalizuara për çdo pacient me IBS,” tha studiuesi Dr. William Chey, kreu i gastroenterologjisë dhe hepatologjisë në Universitetin e Miçiganit.
Testi i gjakut, i quajtur “inFoods IBS”, teston mundësinë që 18 ushqime të përkeqësojnë simptomat e IBS në pacientë të caktuar. Këto përfshijnë grurë, elb, thek, vezë të plota, maja, qumësht lope, çaj të zi, lakër, misër, grejpfrut, mjaltë, limon dhe ananas.
Testi kërkon nivelet e antitrupave të quajtur imunoglobulin G (IgG), që prodhohen kur zorrët kanë një reaksion alergjik ndaj një lloj ushqimi. Nivele më të larta të këtij antitrupi do të thotë se një person ka më shumë mundësi të përfitojë nga eliminimi i këtij ushqimi nga dieta e tij.
Testi i gjakut ende nuk është miratuar ose çertifikuar nga Administrata e Ushqimeve dhe Barnave e SHBA-së. /Gazeta Shneta/