Oda e Farmacistëve të Kosovës (OFK), shpreh shqetësim për mungesën e barnave esenciale, që ka shkaktuar krizë në shëndetësi dhe po cënon cilësinë e shërbimeve, për shkak të vendimit për çmimin e barnave.
Përmes një njoftimi në faqen zyrtare, OFK ka theksuar shqetësimin lidhur me mungesën e barnave, përfshirë ato esenciale, në sektorin publik dhe privat.
Ndërsa në anën tjetër, kjo mungesë ka shkaktuar një krizë në sistemin shëndetësor dhe po cënon cilësinë e shërbimeve shëndetësore për qytetarët, e cila ka lindur si pasojë e vendimit të Ministrit të Shëndetësisë për çmimin e barnave, thuhet në njoftim.
“…Oda e Farmacistëve të Kosovës bën thirrje urgjente për Ministrin e Shëndetësisë që pas refuzimeve të përsëritura të ftesave tona për bashkëpunim, të vendosë interesin publik mbi interesat personale dhe të reflektojë për këtë situatë të rëndë”, ka shkruar OFK-ja.
Reagimi i plotë i OFK-së:
𝑭𝒕𝒆𝒔𝒆̈ 𝒑𝒖𝒃𝒍𝒊𝒌𝒆 𝒑𝒆̈𝒓 𝑴𝒊𝒏𝒊𝒔𝒕𝒓𝒊𝒏 𝒆 𝑺𝒉𝒆̈𝒏𝒅𝒆𝒕𝒆̈𝒔𝒊𝒔𝒆̈ – 𝑷𝑬̈𝑹 𝑹𝑬𝑭𝑳𝑬𝑲𝑻𝑰𝑴 𝑴𝑩𝑰 𝑹𝑼𝑨𝑱𝑻𝑱𝑬𝑵 𝑬 𝑺𝑯𝑬̈𝑵𝑫𝑬𝑻𝑰𝑻 𝑷𝑼𝑩𝑳𝑰𝑲 𝑻𝑬̈ 𝑸𝒀𝑻𝑬𝑻𝑨𝑹𝑬̈𝑽𝑬
Oda e Farmacistëve të Kosovës (OFK) shpreh shqetësimin e thellë lidhur me mungesën e barnave, përfshirë ato esenciale në sektorin publik dhe private, që ka shkaktuar krizë në sistemin shëndetësor dhe po cënon shërbimin cilësor shëndetësorë të qytetarëve, krizë kjo që ka lindur si pasojë e vendimi të Ministrit të Shëndetësisë për çmimin e barnave.
OFK vazhdimisht është duke pasur presion nga anëtarët tanë dhe qytatarët për problemet që po hasen në mungesës së barnave esenciale, të cilat janë jetike për shëndetin e pacientëve dhe për funksionimin normal të sistemit shëndetësor.
OFK me kohë ka paralajmëruar Ministrin e Shëndetësisë shumë para nxjerrjes së vendimit se një metodë e tillë e punës do të shkaktoj këtë kaos në tregun farmaceutik duke cënuar edhe sigurinë e qytetarëve tanë.
OFK konsideron se këto vetëm janë rezultatet e para të kësaj krize e cila vetëm sa do të vij e përkeqësohet.
Në këtë kuadër, Oda e Farmacistëve të Kosovës bën thirrje urgjente për Ministrin e Shëndetësisë që, pas refuzimeve të përsëritura të ftesave tona për bashkëpunim, të vendosë interesin publik mbi interesat personale dhe të reflektojë për këtë situatë të rëndë.
OFK fton Ministrin e Shëndetësisë për hir të shëndetit të qytetarëve dhe për të shmangur përkeqësimin e mëtejshëm të situatës që të pezullojë menjëherë vendimin në fjalë, në mënyrë që të zgjidhen këto probleme të cilat tashmë veq se janë hasur si pasojë e këtij vendimi, duke siguruar kështu furnizimi të vazhdueshëm të tregut dhe qytetarëve me barna esenciale.
OFK si çdo herë siq ka shfaqur gadishmërinë e saj tash e 1 vit, është në gadishmëri 24 orëshe për ofrimin e zgjidhjeve MSH-së për eliminmin e këtyre problematikave profesionale. /Gazeta Shneta/