Një studim i fundit ka zbuluar se gratë që kishin nivele më të larta të mineraleve esenciale në gjakun e tyre gjatë shtatzënisë, veçanërisht bakri dhe mangan, si dhe vitaminës B12, kishin një rrezik më të ulët për zhvillimin e presionit të lartë të gjakut në mes të jetës, rreth 20 vjet më vonë.
Ky hulumtim u paraqit në sesionet shkencore të Shoqatës Amerikane të Zemrës për Epidemiologjinë dhe Parandalimin Shëndetin e Jetës dhe Kardio-Metabolik, 2025, që po mbahen në New Orleans nga 6 deri më 9 mars 2025, trnasmeton Gazeta Shneta.
Studiuesit analizuan të dhënat nga Project Viva, një studim afatgjatë që ka nisur në vitin 1999, duke përfshirë gati 500 gra të cilat regjistruan nivelet e mineraleve esenciale dhe metaleve jo-essenciale në mostrat e gjakut gjatë shtatzënisë, si dhe ndikimin e këtyre niveleve në presionin e gjakut pas 20 vitesh. Ata gjetën se kur nivelet e bakrit dhe manganit dyfishoheshin në gjak gjatë shtatzënisë, gratë kishin një rrezik më të ulët për presion të lartë të gjakut në mes të jetës, përkatësisht 25% dhe 20% më të ulët.
Gjithashtu, kur nivelet e vitaminës B12 dyfishoheshin gjatë shtatzënisë, presioni i gjakut sistolik ishte 3.64 mm Hg më i ulët dhe presioni diastolik 2.52 mm Hg më i ulët pas pothuajse dy dekadash. Kjo ka sugjeruar që përmirësimi i niveleve të këtyre mineraleve dhe vitaminës gjatë shtatzënisë mund të ofrojë mbrojtje nga hipertensioni në mes të jetës, një periudhë kyçe për rrezikun kardiovaskular të grave në të ardhmen./Gazeta Shneta/