Rastet e fruthit në Teksas dhe New Mexico u rritën në 317 të martën nga 294 katër ditë më parë, ndërsa SHBA lufton me një nga shpërthimet më të mëdha të fruthit që ka parë në dekadën e fundit.
Vendi tashmë ka tejkaluar numrin e të infektuarve të vitit të kaluar prej 285, sipas të dhënave nga Qendrat Amerikane për Kontrollin dhe Parandalimin e Sëmundjeve.
Përhapja është nxitur nga rënia e normave të vaksinimit në pjesë të SHBA-së ku prindërit janë bindur gabimisht se injeksione të tilla bëjnë më shumë dëm sesa mirë.
Rastet në qarkun Gaines, qendra e shpërthimit, u rritën në 191 krahasuar me 174 raste më 14 mars. Deri më tani 36 pacientë janë shtruar në spital në Teksas, tha departamenti i shëndetësisë shtetërore, raporton Reuters.
Në New Mexico, rastet u rritën nga 35 në 38 të martën, duke përfshirë dy raste në Eddy County dhe pjesën tjetër në Qarkun Lea, i cili është ngjitur me Gaines County.
Të premten, departamenti i shëndetësisë në Oklahoma raportoi katër raste “të mundshme” në individë të pavaksinuar, të cilët ishin të ekspozuar ndaj shpërthimeve të Teksasit dhe Nju Meksikos dhe përjetuan simptoma të ngjashme me fruthin.
Një fëmijë i pavaksinuar pa kushte themelore shëndetësore vdiq nga fruthi në Teksas në shkurt, duke shënuar vdekjen e parë në SHBA nga sëmundja që nga viti 2015. Një tjetër vdekje e një të rrituri të pavaksinuar në New Mexico është ende nën hetim.
CDC ka thënë se vaksina kundër fruthit, shytave dhe rubeolës (MMR) është mjeti më i rëndësishëm për parandalimin e fruthit./Gazeta Shneta/