Një studim i realizuar me 40 pacientë ka treguar se dy doza të një vaksine të thjeshtë kundër tuberkulozit mund të ndihmojnë sistemin imunitar të luftojë qelizat e kancerit dhe të parandalojnë rikthimin e kancerit të fshikëzës.
Vaksina RUTI, e administruar përkrah trajtimit standard BCG, ka treguar rezultate shumë pozitive duke rritur përgjigjen imunitare dhe duke përmirësuar mbijetesën pa progresion të sëmundjes, shkruan MedicalXpress ransmeton Gazeta Shneta.
Pas pesë vjetësh, të gjithë pacientët që morën vaksinën RUTI ishin pa tumor, ndërsa në grupin e kontrollit vetëm 13 nga 18 pacientë mbetën pa tumor. Vaksina ishte e mirëpritur nga pacientët pa efekte anësore të rëndësishme.
Rezultatet e këtij studimi kanë nxitur interes për përdorimin e kësaj vaksine në trajtimin e kancerit të fshikëzës, por kërkohet një studim më i madh për të konfirmuar dhe zgjeruar këto gjetje.
Studiuesit janë inkurajuar nga përmirësimi i dukshëm në trajtimin e pacientëve, sidomos për ata me kancer të fshikëzës në faza të avancuara, dhe shpresojnë që ky trajtim të mund të përdoret në të ardhmen si pjesë e protokolleve standarde të trajtimit./GazetaShneta/