Studiuesit kanë identifikuar disa faktorë të mundshëm rreziku dhe shkaqe të rënies njohëse, e cila ndonjëherë mund të jetë një shenjë e demencës. Një nga këta faktorë është inflamacioni i trurit.
Disa studime të fundit kanë shqyrtuar si mund të shkaktohet ky inflamacion, si dhe mundësitë për ta trajtuar ose parandaluar rënien njohëse, shkruan burimi Medical News Today përcjell Gazeta Shneta.
Ndërsa shkaqet e rënies njohëse dhe më e rëndësishmja, të demencës mbeten të pasigurta, studiuesit kanë bërë përparime të mëdha në identifikimin e faktorëve të mundshëm që kontribuojnë në këtë proces.
Një nga këta faktorë kryesorë duket të jetë inflamacioni, dhe në veçanti, neuroinflamacioni ose inflamacioni i trurit, i cili është lidhur me dëmtimin njohës dhe zhvillimin e demencës.
Gjithnjë e më shumë kërkime po e lidhin sëmundjen e Alzheimerit me viruset e herpesit, veçanërisht atë që shkakton plagët e ftohjes.
Studime të tjera kanë treguar se përdorimi i vaksinave, antibiotikëve dhe madje edhe ilaçeve anti-inflamatore pa recetë, si ibuprofeni dhe aspirina, shoqërohet me një rrezik më të ulët të demencës. /Gazeta Shneta/