Personat me sëmundje inflamatore të zorrëve (IBD) kanë një rrezik të shtuar për të zhvilluar sëmundjen e Parkinsonit, një gjendje neurodegjenerative.
Një studim i ri që krahason mikrobiomën e personave me IBD dhe atyre me Parkinson ka zbuluar se të dyja grupet kanë mungesë të llojeve të ngjashme të baktereve të dobishme, shkruan burimi Medical News Today transmeton Gazeta Shneta.
Gjetjet sugjerojnë se terapitë që synojnë mikrobiomën për të reduktuar inflamacionin mund të ndihmojnë në uljen e rrezikut të Parkinsonit tek personat me IBD.
IBD prek rreth 5 milionë njerëz në mbarë botën dhe shkakton një sërë simptomash gastrointestinale të cilat mund të lehtësohen me medikamente dhe ndryshime në dietë.
Një meta-analizë e studimeve ka zbuluar se rreziku për Parkinson ishte 41% më i lartë tek personat me IBD sesa tek ata pa këtë gjendje.
Inflamacioni i zorrëve është i zakonshëm si tek IBD, ashtu edhe tek Parkinsoni. Ekspertët besojnë se një nga faktorët që shkakton këtë inflamacion është disbioza, ose çrregullimi i mikrobiomës së zorrëve – popullsia e madhe e mikroorganizmave që jetojnë në traktin gastrointestinal.
Ky hulumtim, i kryer nga shkencëtarë të Universitetit të Floridës, është publikuar në revistën “npj Parkinson’s Disease”.
“Kjo është një studim interesant, pasi është hera e parë që bëhet një krahasim i drejtpërdrejtë midis mikrobiomës së zorrëve të personave me IBD dhe atyre me Parkinson. Ai kontribuon në kuadrin e përgjithshëm të krijuar nga studimet e mëparshme”, tha Katherine Fletcher, drejtuese e komunikimit shkencor nga Mbretëria e Bashkuar e cila nuk ishte e përfshirë në studim. /Gazeta Shneta/