Shërbimi i Kërkim-Shpëtimit Malor të Kosovës ka bërë të ditur se ka nisur operacion për largimin e trupit të të riut që u gjet i vdekur në Malet e Pashtrikut, viktima është raportuar si i zhdukur tash e disa ditë.
Në një postim në Facebook, ShKShMK-ja pohon se operacioni ka filluar në bashkëpunim me Policinë e Shqipërisë.
“Pas marrjes së informatave nga autoritetet shqiptare të lokalizimit të viktimës, A.LL, 27 vjeçar nga fshati Kishaj-Has, një skaudër e ShKShMK së bashku me Policinë e Shtetit, ka rifilluar operacionin për tërheqjen e viktimës nga vend i ngjarjes”.
“Për më shumë informata do të njoftoheni me kohë”, ka thënë ShKShMK-ja.
Ajet Lleshi ishte shpallur i zhdukur nga familja që nga e diela e kaluar.
Në kërkim të tij ishin angazhuar shumë forca policore, banorë të zonës, por edhe ekipe të kërkim shpëtimit nga Kosova.
Po ashtu në operacionin e kërkimit ishin përdorur edhe dronë edhe helikopterë.