Një studim i udhëhequr nga Universiteti Monash ka treguar se metformina, një ilaç i zakonshëm për diabetin tip 2, mund të zvogëlojë dhimbjen e artritit në gjunjë te personat me mbipeshë apo obezitet, madje mund të shtyjë nevojën për protezë të gjurit.
Në një provë klinike me 107 pjesëmarrës (pa diabet), ata që morën deri në 2000 mg metforminë në ditë për 6 muaj raportuan ulje mesatare prej 31.3 pikësh në dhimbje, krahasuar me 18.9 pikë në grupin me placebo. Dhimbja u mat në një shkallë nga 0 deri në 100.
Studiuesit theksojnë se metformina mund të veprojë përmes reduktimit të inflamacionit dhe ndikimit në rrugët metabolike që lidhen me artritin.
Duke qenë një ilaç i lirë, i sigurt dhe i njohur për mjekët, ai mund të përdoret “off-label” edhe për trajtimin e artritit në gjunjë, pas diskutimit me mjekun familjar, transmeton Gazeta Shneta.
Metformina mund të ndihmojë në shtyrjen e ndërhyrjeve kirurgjikale të parakohshme, si zëvendësimi i gjurit, i cili shpesh nuk sjell kënaqësi për pacientët kur kryhet në faza të hershme të sëmundjes. Për më tepër, studimi u zhvillua me sukses përmes telemjekësisë, duke treguar se trajtimi mund të zbatohet lehtësisht edhe në zona të largëta.
Studiuesit tani po bashkëpunojnë me mjekë të përgjithshëm, kirurgë ortopedë dhe profesionistë të tjerë për të integruar metforminën në menaxhimin e artritit të gjurit./Gazeta Shneta/