Një studim i ri, me pjesëmarrje nga një hulumtues i Rutgers Health, ka zbuluar se marrja e informacionit për rrezikun e Alzheimerit nuk shkakton tronditje emocionale tek individët, por motivimi për të mbajtur një stil jetese të shëndetshëm tenton të zbehet me kohën, edhe tek ata me rrezik të lartë.
Studimi u publikua në revistën Alzheimer’s & Dementia dhe përfshiu 199 të rritur të shëndetshëm që iu nënshtruan skanimeve PET për të zbuluar praninë e proteinës amyloid beta – një tregues i hershëm i sëmundjes Alzheimer.
Rezultatet treguan se ata që nuk kishin grumbullim të amyloid-it përjetuan përmirësim emocional, me më pak depresion, ankth dhe shqetësime për kujtesën – por edhe më pak motivim për të vazhduar me ndryshime të shëndetshme të jetesës, përcjell Gazeta Shneta.
Ata që kishin amyloid, megjithatë, nuk shfaqën rritje të ndjeshme të depresionit, por gjithashtu humbën motivimin për ndryshime jetësore.
Studiuesit theksuan rëndësinë e zhvillimit të strategjive për të ruajtur sjelljet e shëndetshme në kohë, sidomos në kohën kur po afrohen trajtime parandaluese për Alzheimerin.
Studimi nënvizon gjithashtu nevojën për një qasje më të personalizuar në mënyrën se si u komunikohet individëve rreziku i tyre për sëmundjen./Gazeta Shneta/