Temperaturat e larta të shkaktuara nga ndryshimet klimatike po ndikojnë negativisht në cilësinë e gjumit, duke çuar në humbje të orëve të gjumit dhe rrezik për shëndetin.
Sipas hulumtimeve, deri në vitin 2099, njerëzit mund të humbasin 50–58 orë gjumë në vit për shkak të ngrohjes globale. Truri është shumë i ndjeshëm ndaj nxehtësisë, dhe përshtatja me temperaturat e larta kërkon ndryshime në sjellje dhe zakone të përditshme.
Shkencëtarët rekomandojnë masa të thjeshta si: dush të ftohtë para gjumit, shmangien e kafeinës dhe alkoolit, veshje të lehta, ajrosje të mirë dhe shmangien e kondicionerëve që pengojnë aklimatizimin natyral.
Po ashtu, dremitjet e shkurtra gjatë ditës mund të ndihmojnë në kompensimin e mungesës së gjumit, shkruan MedicalXpress, përcjell Gazeta Shneta.
Mungesa e gjumit ndikon në shëndetin fizik dhe mendor, duke rritur rrezikun për diabet, sëmundje kardiovaskulare, obezitet dhe çrregullime neurodegjenerative.
Studiuesit theksojnë nevojën për ndërhyrje praktike dhe eksperimentime për të ndihmuar njerëzit të përshtaten me botën gjithnjë e më të nxehtë./ Gazeta Shneta/