Lënia e duhanit mbetet një ndër sfidat më të mëdha për shumë njerëz, por një studim i ri sjell një zbulim befasues: nuhatja e aromave të këndshme mund të zvogëlojë ndjeshëm dëshirën për të pirë cigare.
Sipas një hulumtimi të publikuar në “Journal of Abnormal Psychology”, nuhatja e aromave si vanilja, çokollata, trëndafili apo menteja mund të reduktojë deri në 23% dëshirën për cigar
Studimi, i cili përfshiu mbi 200 duhanpirës, tregoi se edhe ata që nuk kishin vendosur të linin duhanin ndjenin një ndikim pozitiv.
Shkencëtarët shpjegojnë se aromat e këndshme e shpërqendrojnë trurin dhe gjenerojnë ndjesi pozitive, duke zbutur përkohësisht nevojën për nikotinë – çaste që mund të jenë vendimtare gjatë krizave.
Ekspertët rekomandojnë që kjo metodë të kombinohet me teknika të tjera si frymëmarrja e thellë dhe këshillimi, për rezultate më të qëndrueshme.
Ndonëse nuk është një zgjidhje përfundimtare, ajo ofron një alternativë natyrale, pa efekte anësore, për të ndihmuar në rrugën drejt ndërprerjes së duhanit.