Departamenti Amerikan i Shëndetësisë (HHS) dhe Administrata Amerikane e Ushqimit dhe Barnave (FDA) kanë nisur një program të ri të quajtur “Operacioni Shpejtësia e Lejlekut” me qëllim përmirësimin e cilësisë së formulës për foshnja.
Ky program përfshin një rishikim të plotë të vlerave ushqyese në formulat për foshnja, testime më të rrepta për metale të rënda dhe ndotës të tjerë, nxitje për zhvillimin e formulave të reja, si dhe përmirësim të etiketimit dhe informimit të konsumatorëve për përbërësit, shkruan MedicalXpress transmeton Gazeta Shneta.
Kjo është rishikimi i parë i tillë i thelluar që nga viti 1998. FDA ka hapur një fushatë për mbledhje të komenteve publike deri më 11 shtator 2025, për të shqyrtuar nëse kërkesat aktuale për lëndët ushqyese duhet të përditësohen sipas të dhënave më të fundit shkencore, përfshirë ato ndërkombëtare.
Përveç kësaj, FDA do të forcojë protokollet e testimit për ndotës të mundshëm dhe po u bën thirrje kompanive të ushqimit të rrisin transparencën dhe qartësinë në etiketim. Në qershor 2025, do të organizohet edhe një takim publik me ekspertë, për të mbledhur më shumë të dhëna dhe rekomandime.
Komisioneri i FDA-së, Dr. Martin A. Makary, theksoi se sigurimi i ushqimit më të mirë dhe më të sigurt për foshnjat është një përgjegjësi jetike, pasi për shumë prej tyre formula është burimi i vetëm i ushqimit./Gazeta Shneta/