Injektimet për humbje peshe mund të ndalojnë efektin e pilulës kontraceptive dhe të çojnë në shtatzëni të padëshiruara, kanë paralajmëruar autoritetet shëndetësore.
Agjencia britanike e barnave ka marrë më shumë se 40 raportime për gra që kanë mbetur shtatzënë ndërkohë që përdornin barnat GLP-1 – përfshirë Mounjaro dhe Ozempic – që janë lidhur me një “boom bebeje” dhe shtatzëni të papritura, të quajtura tashmë edhe “bebet Ozempic”.
Ekspertët thonë se këto barna mund të ndikojnë në përthithjen e pilulës kontraceptive në trup, duke e bërë atë më pak efektive. Gratë që përdorin Mounjaro për menaxhimin e peshës ose diabetin duhet të konsultohen me mjekun për alternativa të sigurta kontraceptive
Autoritetet shëndetësore po shqyrtojnë më tej efektet anësore të barnave GLP-1 dhe u bëjnë thirrje grave të jenë të kujdesshme nëse nuk planifikojnë shtatzëni.