Një studim i ri paralajmëron se fëmijët që në moshën 7 vjeç po demonstrojnë rutina të kujdesit për lëkurën në TikTok që mund të jenë të dëmshme për lëkurën dhe shëndetin e tyre mendor.
Studiuesit thonë se shumë nga produktet që promovohen kanë pak ose aspak dobi tek të rinjtë dhe përmbajnë përbërës potencialisht irritues si acidi laktik, niacinamida dhe vitamina E.
Për studimin, dy nga studiuesit hapën llogari në TikTok, duke raportuar veten si 13 vjeç, shkruan Healthday, transmeton Gazeta Shneta.
Ata përpiluan 100 video unike për kujdesin e lëkurës, llogaritën numrin, llojet dhe kostot e produkteve dhe krijuan një listë me përbërës aktivë dhe joaktivë.
Krijuesit e përmbajtjes ishin të moshës 7-18 vjeç. Dhe videot e tyre paraqisnin mesatarisht 6 produkte me kosto 168 dollarë.
Sipas rezultateve, 25 videot më të shikuara përmbanin mesatarisht 11 përbërës aktivë potencialisht irritues… më i zakonshmi… acidi citrik.
Dhe 20 nga përbërësit joaktivë në listë janë përfshirë në Serinë Bazë Pediatrike, e cila teston për alergjenët e njohur që shkaktojnë dermatit kontakti tek fëmijët.
Autorët thonë se shëndeti fizik nuk është e vetmja gjë në rrezik këtu.
“Këto regjime… mund t’i ekspozojnë fëmijët ndaj dëmit duke amplifikuar potencialisht standardet e bukurisë të paarritshme dhe paragjykimet e moshës, ndërkohë që shkaktojnë acarim të mundshëm, alergji dhe dëmtime nga dielli”, shtuan ata./Gazeta Shneta/