Një studim i udhëhequr nga Dana-Farber Cancer Institute ka treguar se trajtimi i pacientëve me kancer të mushkërive jo me qeliza të vogla, stad III, me kombinim të kimioterapisë dhe imunoterapisë para operacionit, mund të zvogëlojë ndjeshëm tumoret dhe ta bëjë kirurgjinë të mundur edhe për rastet fillimisht të paoperueshme.
Studimi, i publikuar në JAMA Oncology, përfshiu 112 pacientë në SHBA dhe Itali, dhe zbuloi se 75% e tyre arritën të operoheshin pas trajtimit, ndërsa një në tre pati pastrim të plotë të tumorit.
Për më tepër, pacientët që kishin nivele të larta të PD-L1 në tumorët e tyre përjetuan përgjigje më të mirë dhe mbijetesë më të gjatë pa përparim të sëmundjes, shkruan MedicalXpress transmeton Gazeta Shneta.
Megjithatë, pacientët me mutacione KRAS të kombinuara me STK11 apo KEAP1 nuk përfituan nga kjo terapi.
Autorët theksojnë se këto rezultate hapin një mundësi të re për trajtimin e kësaj forme agresive të kancerit, ndërsa kërkohen ende prova nga studime të ardhshme të kontrolluara për të përcaktuar përfituesit kryesorë të kësaj qasjeje.