Një raport i ri i Qendrës për Kontrollin dhe Parandalimin e Sëmundjeve (CDC) zbulon se rreth 33% e adoleshentëve amerikanë, në moshën 12 deri 17 vjeç, kanë para-diabet, duke i rritur ata në rrezik për zhvillimin e diabetit tip 2 dhe sëmundjeve të tjera serioze si sëmundjet e zemrës dhe goditjet në tru.
Kjo shifër është shumë më e lartë se ajo e mëparshme prej 18%, e publikuar në vitin 2020, por ndryshimi në metodologji ka ngjallur dyshime dhe shqetësime nga ekspertët për mungesën e transparencës dhe informacionit të detajuar mbi mënyrën se si u arrit kjo përqindje, shkruan MedicalXpress transmeton Gazeta Shneta.
Raporti i fundit u publikua vetëm në një përmbledhje online me 600 fjalë, pa dokumentacion të plotë apo studim të rishikuar nga kolegët, duke krijuar pasiguri mbi saktësinë e të dhënave.
Megjithatë, CDC thotë se ka përdorur teknologjitë dhe shkencën më të fundit për të ofruar një pasqyrë më të mirë të gjendjes së para-diabetit në mesin e të rinjve.
Ekspertët paralajmërojnë se para-diabeti është një problem serioz që mund të çojë në përkeqësim të shëndetit të të rinjve nëse nuk trajtohet me kohë.
Shoqata Amerikane e Diabetit rekomandon fillimin e testimit për diabet tek fëmijët që janë mbipeshë ose kanë faktorë të tjerë rreziku që nga mosha 10 vjeç. Ata gjithashtu paralajmërojnë për një rritje të mundshme të rasteve me diabet të hershëm që mund të krijojë sfida të mëdha për sistemin shëndetësor në të ardhmen./Gazeta Shneta/