Ka vdekur edhe një fëmijë nga uria në Gazë, pasi peshonte më pak se dita kur lindi.
Zainab abu Habib ishte vetëm pesë muajsh kur nëna e saj, Esraa abu Habib, i dha asaj puthjen e fundit dje.
Ajo u dërgua pa shenja jete në departamentin e pediatrisë në Spitalin Nasser, të premten. Një punonjës në morg ia hoqi me kujdes bluzën me printim të Mickey Mouse.
Vajza peshonte më shumë se 3 kg në lindje, tha nëna e saj, por pas asaj që një mjek e përshkroi si “uri të rëndë, shumë të rëndë”, pesha e saj ishte më pak se 2 kg në fund.
Babai i saj, Ahmed abu Habib, tha se ajo kishte nevojë për një formulë të veçantë për foshnje që “nuk ekzistonte në Gaza”, ndërsa përgatitej për funeralin e saj në qytetin jugor të Khan Younis.
Kreu i departamentit të pediatrisë, Dr.Ahmed al Farah, tha se foshnja kishte nevojë për një lloj të veçantë formule për alergjitë ndaj qumështit të lopës.
Pa asnjë nga formulat që i nevojiteshin, Zainab zhvilloi diarre kronike dhe të vjella, tha ai, dhe ajo nuk ishte në gjendje të gëlltiste, transmeton Klankosova.tv.