Një studim i ri klinik ka zbuluar se ekzistojnë tri mekanizma të ndryshëm inflamatorë që mund të shkaktojnë sulme astmatike te fëmijët, edhe kur ata trajtohen me terapi të avancuara biologjike si mepolizumabi.
Këto mekanizma përfshijnë: inflamacionin klasik të tipit T2, inflamacionin e epitelit të rrugëve të frymëmarrjes dhe aktivizimin e makrofagëve gjatë infeksioneve virale, si dhe sekrecione të rritura të mukusit dhe stres të qelizave epiteliale.
Ky zbulim, i botuar në JAMA Pediatrics, nxjerr në pah se sulmet astmatike nuk ndodhin gjithmonë për të njëjtin shkak dhe se trajtimi universal nuk funksionon për çdo fëmijë. Studiuesit theksojnë nevojën për qasje të personalizuar në trajtimin e astmës, sidomos për fëmijët që jetojnë në zona urbane dhe me rrezik më të lartë.
Ky studim i jep dritë të re mënyrës se si duhet të parandalohen dhe menaxhohen sulmet e astmës, duke hapur rrugën për terapi më të sakta dhe të individualizuara./Gazeta Shneta/