Vetëm 60 minuta not në ditë, për shtatë ditë me radhë, mjaftojnë për të forcuar kujtesën, rritur funksionet njohëse dhe nxitur rritjen e qelizave të reja në tru, sipas një studimi të botuar në revistën Physiology & Behavior.
Studiuesit zbuluan se noti rrit qarkullimin e gjakut në tru dhe shton nivelet e BDNF, një proteinë thelbësore për të nxënin, kujtesën dhe rigjenerimin e trurit.
Lëvizjet e sinkronizuara gjatë notit aktivizojnë të dy hemisferat e trurit, duke përmirësuar përqendrimin, ndjesinë hapësinore dhe performancën njohëse në përgjithësi.
Pra, një orë not në ditë nuk është vetëm mirë për trupin, por edhe për trurin./Tiranapost.al/