Edhe pse shumë e lidhin verën me pushime dhe aktivitet jashtë shtëpisë, viruse të zakonshme si COVID-19, gripi dhe RSV mund të përhapen edhe gjatë muajve të nxehtë.
Të dhënat e fundit tregojnë se COVID-19 po rritet në shumicën e shteteve të SHBA-së, ndërsa gripi po bie dhe RSV qëndron i qëndrueshëm. Varianti XFG, i njohur si Stratus, është më i përhapur aktualisht dhe mund të shkaktojë dhimbje të forta të fytit, por vaksinat ende ofrojnë mbrojtje.
Ekspertët shpjegojnë se sezonaliteti dhe sjellja njerëzore ndikojnë në përhapjen e viruseve, shkruan MedicalXpress , transmeton Gazeta Shneta.
Mot i nxehtë nxit njerëzit të qëndrojnë jashtë dhe të hapin dritaret, duke ulur përhapjen e mikroorganizmave, por kur njerëzit futen brenda për ajër të kondicionuar, sëmundjet mund të rriten.
Rreth vaksinimit, të rriturit e shëndetshëm mund të presin deri në vjeshtë për një dozë përforcuese, ndërsa grupet me rrezik të lartë duhet të konsultohen me mjekun.
Tek fëmijët e vegjël, vizitat në urgjencë për COVID-19 po rriten, sidomos tek ata që nuk janë vaksinuar.
Mjekët këshillojnë që edhe në verë të mbahet higjiena: të qëndrohet jashtë sa më shumë, të lahen duart, të përdoren maska kur është e nevojshme dhe të qëndrohet në shtëpi kur sëmuret./Gazeta Shneta/