Pijet e nxehta si kafeja dhe çaji janë pjesë e ritualit të përditshëm për shumë njerëz, por konsumimi i tyre në temperatura shumë të larta mund të paraqesë rrezik për shëndetin.
Sipas Agjencisë Ndërkombëtare për Kërkime mbi Kancerin, pirja e pijeve mbi 65°C është klasifikuar si “ndoshta kancerogjene për njerëzit”, veçanërisht e lidhur me kancerin e ezofagut.
Studime të shumta nga Amerika e Jugut, Lindja e Mesme dhe Azia kanë treguar lidhje midis konsumimit të sasive të mëdha të pijeve shumë të nxehta dhe rritjes së rrezikut për kancer të ezofagut.
Një studim i madh në Mbretërinë e Bashkuar me gati gjysmë milioni pjesëmarrës konfirmoi se ata që pinin tetë ose më shumë filxhanë të çajit apo kafesë shumë të nxehtë në ditë kishin gjashtëfish më shumë rrezik për t’u prekur, shkruan MedicalXpress transmeton Gazeta Shneta.
Shkencëtarët shpjegojnë se temperaturat e larta mund të dëmtojnë shtresën mbrojtëse të ezofagut, duke e bërë atë më të ndjeshme ndaj dëmtimeve kronike dhe zhvillimit të qelizave kancerogjene.
Edhe mënyra e pirjes ka rëndësi: sipsat e mëdha rrisin temperaturën e brendshme të ezofagut më shumë se sipsat e vogla, duke shkaktuar më shumë dëme afatgjata.
Ekspertët sugjerojnë që pijet të konsumohen pasi të jenë ftohur deri në rreth 58°C, të merren me gllënjka të vogla, të përzihen ose të shtohet ujë apo qumësht për të ulur temperaturën. Kështu, kënaqësia e një kafeje apo çaji të ngrohtë mund të shijohet pa rrezikuar shëndetin./Gazeta Shneta/