Ka ndërruar jeta infermierja e Spitalit të Përgjithshëm të Ferizajit, Fatlume Isufi.
Lajmin e ka bërë të ditur nga Spitali i Përgjithshëm i Ferizajit, i cili përmes një njoftimi në Facebook ka vlerësuar përkushtimin dhe profesionalizmin e saj ndër vite në shërbim të pacientëve.
Sipas njoftimit, ajo ishte pjesë e këtij institucioni shëndetësor që nga viti 1999, ku ka ushtruar detyrën si infermiere
Spitali ka shprehur ngushëllime për familjen, kolegët dhe të gjithë ata që e kanë njohur nga afër./Gazeta Shneta/
Postimi i plotë:
Me pikëllim të thellë morëm lajmin për ndarjen nga jeta të punëtores sonë të palodhshme dhe të përkushtuar, infermieres Fatlume Isufi.
Fatlume Isufi do të mbahet gjithmonë mend për përkushtimin e saj të jashtëzakonshëm në shërbim të pacientëve, për humanizmin dhe profesionalizmin që e karakterizonin në çdo hap të punës së saj.
Ajo ishte e angazhuar si infermiere në Spitalin e Përgjithshëm në Ferizaj që nga viti 1999, dhe njihet për kontributin e madh në trajtimin e pacientëve, si dhe si një kolege e dashur, gjithmonë e gatshme të ndihmojë dhe të mbështesë si pacientët, ashtu edhe stafin e spitalit.
Humbja e saj është një goditje e madhe për komunitetin tonë shëndetësor dhe do të na mungojë shumë.
Ngushëllime të sinqerta familjes, kolegëve dhe të gjithë atyre që patën nderin ta njohin dhe ta kenë pranë.
Prehu në paqe, Lume!