Një ilaç eksperimental, i quajtur baxdrostat, ka treguar rezultate premtuese për njerëzit me hipertension që nuk u përgjigjen medikamenteve ekzistuese.
Një provë klinike e botuar në New England Journal of Medicine zbuloi se pacientët që morën baxdrostat çdo ditë për tre muaj patën një ulje prej 9–10 mm/Hg në tensionin e tyre të gjakut.
Rreth 40% e tyre arritën nivele të shëndetshme, krahasuar me më pak se 20% të atyre që morën placebo, shkruan HealthDay përcjell Gazeta Shneta.
Barnatari funksionon duke bllokuar hormonin aldosteron, i cili shkakton mbajtjen e tepërt të kripës dhe ujit në trup, duke rritur presionin e gjakut.
“Këto rezultate sugjerojnë se aldosteroni luan një rol kyç tek pacientët me tension të vështirë për t’u kontrolluar,” tha Dr. Bryan Williams nga University College London.
Kompania farmaceutike AstraZeneca, që financoi studimin, ka njoftuar se do të aplikojë për miratimin e baxdrostat nga Administrata Amerikane e Ushqimit dhe Barnave (FDA).
Sipas kompanisë, ky ilaç mund të bëhet një nga mjetet më të fuqishme kundër një prej sfidave më të mëdha në kujdesin kardiovaskular./Gazeta Shneta/