Spitali i Përgjithshëm i Pejës ka bërë publike statistikat e punës për javën e kaluar, ku një ndër to është ardhja në jetë e 31 foshnjave të reja. Nga këto lindje, 16 ishin djem dhe 15 vajza.
Sipas njoftimit zyrtar të lëshuar, përveç lindjeve, spitali ka ofruar një gamë të gjerë shërbimesh shëndetësore për pacientët e rajonit, duke filluar nga:
– 3,002 vizita specialistike;
– 256 pranime në repartet spitalore, me një mesatare prej 203 pacientësh të shtrirë çdo ditë;
– 1,739 pacientë kanë kryer gjithsej 19,228 analiza laboratorike;
– 68 operacione;
– 235 seanca dialize;
– Shërbime të imazherisë me 520 Rëntgen, 298 Eho, 120 CT dhe 59 MRI;
– 26 ergometri dhe 30 ekokardiografi;
– 9 kolonoskopi dhe 16 gastroskopi;
– Si dhe 234 shërbime fiziatrike.
Raporti javor pasqyron vëllimin e punës dhe shërbimet shëndetësore të ofruara nga ky institucion. /Gazeta Shneta/