Shkencëtarët kanë zhvilluar një mjet të ri inteligjence artificiale (IA) që mund të parashikojë rrezikun e më shumë se 1,000 sëmundjeve, përfshirë kancerin, diabetin dhe sulmet në zemër, deri në 10 vjet përpara diagnozës.
Modeli u trajnuar me të dhënat e 400 mijë personave nga Mbretëria e Bashkuar dhe u testua me 1.9 milionë individë në Danimarkë.
Ai identifikon modele të shëndetit bazuar në histori mjekësore, zakone si duhanpirja dhe renditjen kronologjike të ngjarjeve shëndetësore, shkruan Euronews transmeton Gazeta Shneta.
Sipas studiuesve, mjeti funksionon si një “parashikim moti”: nuk garanton sëmundjen, por sinjalizon rrezik të lartë.
AI është më e saktë për sëmundjet me zhvillim të parashikueshëm, si disa forma kanceri, diabeti, infarktet dhe sepsa, ndërsa është më pak e besueshme për çrregullime të shëndetit mendor, infeksione apo komplikime të shtatzënisë.
Ekspertët e quajnë këtë një hap të madh drejt mjekësisë parandaluese dhe të personalizuar, megjithëse paralajmërojnë se modeli është ndërtuar mbi të dhëna të kufizuara gjeografikisht dhe demografikisht.
Ende nuk është gati për përdorim klinik, por pritet të ndihmojë në identifikimin e pacientëve me rrezik të lartë dhe në ndërhyrje më të hershme e të përshtatura.