Në Spitalin e Përgjithshëm në Pejë gjatë ditës së djeshme janë realizuar gjithsej 19 operime të suksesshme në disa reparte të këtij institucioni shëndetësor.
Përveç operacioneve, sipas njoftimit të këtij institucioni, në spital janë ofruar edhe shërbime të tjera mjekësore për një numër të madh pacientësh.
Vetëm gjatë 24 orëve janë kryer 403 vizita specialistike, janë pranuar 43 pacientë të rinj, ndërsa 213 pacientë vazhdojnë të jenë të shtrirë për trajtim, transmeton Gazeta Shneta.
Në laborator janë shërbyer 317 pacientë, të cilët kanë kryer gjithsej 3,696 analiza. Po ashtu, janë regjistruar 4 lindje, me dy djem dhe dy vajza.
Nga shërbimet e tjera spitalore, janë kryer 27 dializa, 77 incizime rëntgeni, 24 ekografi, 25 skanime CT, 13 rezonanca magnetike (MRI), 1 ergometri dhe 8 gastroskopi. Gjithashtu, janë realizuar edhe 48 shërbime fiziatrike./Gazeta Shneta/