Një formë e vitaminës B3, e njohur si nikotinamid, mund të ulë rrezikun e disa llojeve të kancerit të lëkurës, sipas një studimi të ri në SHBA.
Analiza u fokusua tek rreth 34,000 pacientë të sistemit Veterans Affairs, ku më shumë se 12,000 merrnin 500 mg nikotinamid dy herë në ditë për të paktën një muaj.
Rezultatet treguan se pacientët që merrnin suplementin kishin 14% rrezik më të ulët për kancer të lëkurës, ndërsa tek ata me histori të kancerit të mëparshëm ky rrezik u ul deri në 54%, veçanërisht për kancerin më të zakonshëm të lëkurës, kancerin skuamocelular, shkruan Euronews transmeton Gazeta Shneta.
Ekspertët theksojnë se këto gjetje mund të ndryshojnë mënyrën se si mjekët rekomandojnë suplementin, duke sugjeruar fillimin e përdorimit më herët tek pacientët me predispozita për kancer të lëkurës.
Megjithatë, te pacientët me sistem imunitar të dobësuar pas transplantit organesh, përfitimi nuk ishte i dukshëm, përveç në uljen e rrezikut për kancerin skuamocelular të lëkurës.
Studimi nënvizon nevojën për identifikimin e grupit të pacientëve që do të përfitojnë më shumë nga nikotinamidi, pasi vetëm rreth gjysma e pacientëve zhvillojnë shumë kancere të lëkurës./Gazeta
Shneta/