Një studim i ri tregon se pacientët me kancer që ndalojnë duhanin pas diagnostikimit kanë shanse dukshëm më të larta për mbijetesë në dy vitet e para, krahasuar me ata që vazhdojnë të pinë.
Hulumtuesit ndoqën mbi 13,000 pacientë të trajtuar në Siteman Cancer Center dhe gjetën se pacientët me kancer të avancuar që ndaluan duhanin fituan pothuajse një vit shtesë jetë, krahasuar me ata që nuk e lanë duhanin.
Ata që vazhduan të pinin kishin rrezik pothuajse të dyfishtë për vdekje brenda dy viteve, shkruan HealthDay transmeton Gazeta Shneta.
Ekspertët theksojnë se ndalimi i duhanit duhet të konsiderohet si një nga shtyllat kryesore të trajtimit të kancerit, së bashku me kirurgjinë, kimioterapinë dhe terapitë me rreze. Përfitimet përfshijnë jo vetëm jetë më të gjatë, por edhe përmirësim të cilësisë së jetës.
“Askush nuk është kurrë ‘shumë i sëmurë’ për të lënë duhanin,” tha Dr. Li-Shiun Chen, drejtues i programit për ndalimin e duhanit në Barnes-Jewish Hospital. “Ndalimi i duhanit është një hap i rëndësishëm që çdo pacient me kancer mund ta ndërmarrë për të përmirësuar shanset e tij për mbijetesë.”