Një në pesë të rritur në vendet e OECD dhe BE-së përjeton simptoma të lehta deri mesatare të depresionit, sipas raportit të OECD për Promovimin dhe Parandalimin e Shëndetit Mendor.
Simptomat shpesh nuk trajtohen, duke rritur rrezikun për gjendje më të rënda dhe kostot shoqërore, shkruan Euronews transmeton Gazeta Shneta.
Gratë janë më të prekshme gjatë periudhave të ndryshimeve jetësore, si shtatzania dhe pas lindjes. Prevalenca e depresionit pas lindjes varion nga 13.8% deri 16.6% në Europë.
Kostoja totale e problemeve mendore në BE dhe Mbretërinë e Bashkuar u vlerësua në 4% të PBB-së, ndërsa trajtimi mund të arrijë deri në 10,485 euro për simptoma të rënda. Dy të tretat e individëve që kanë nevojë për kujdes nuk kanë qasje në trajtim.
Disa shtete kanë ndërmarrë iniciativa për qasje më të lehtë në kujdesin mendor:
Holandë: qendra për të rinjtë si programi @Ease;
Belgjikë: rimbursim i terapive psikologjike dhe rrjete profesionale në shkolla dhe vende pune;
Poloni dhe Gjermani: screening pas lindjes dhe mjete online.
Ekspertët theksojnë se investimi në shëndetin mendor sjell përfitime të rëndësishme shoqërore dhe ekonomike./Gazeta Shneta/