Një studim i ri nga Universiteti i Mjekësisë Yale ka treguar se mungesa e kujdesit dhe përkujdesjes prindërore në vitet e para të jetës mund të ndikojë në mënyrën se si fëmijët zhvillohen emocionalisht dhe sjellin në të ardhmen.
Studiuesit, të udhëhequr nga Arie Kaffman, kanë analizuar këtë dukuri përmes një eksperimentimi tek minjtë e vegjël. Ata zbuluan se kur nënave u kufizohej materiali për ndërtimin e foleve – një situatë që krijonte stres dhe kujdes të mangët – minjtë e vegjël përjetonin ndryshime të mëdha si rritje të hormoneve të stresit, zhvillim më të ngadalshëm dhe sjellje të ngjashme me ankthin.
Brenda pak javësh, minjtë filluan të mos reagonin më ndaj nënave të tyre dhe të shmangnin kontaktin, gjë që sipas studiuesve tregon mungesë të lidhjes emocionale (attachment).
Kaffman thekson se këto gjetje ndihmojnë për të kuptuar më mirë se si përvoja e hershme e fëmijëve ndikon në zhvillimin e tyre mendor dhe emocional. “Prindërit nuk kanë pse të jenë perfektë,” thotë ai, “por kujdesi dhe përkushtimi i mjaftueshëm janë thelbësorë për shëndetin emocional të fëmijës.”