Përdorimi i barnave për trajtimin e çrregullimit të mungesës së vëmendjes dhe hiperaktivitetit (ADHD) tek fëmijët dhe të rriturit lidhet me rritje të vogla të presionit të gjakut dhe të rrahjeve të zemrës, por rezultatet konsiderohen përgjithësisht qetësuese.
Studiuesit analizuan të dhënat nga 102 prova të kontrolluara të rastësishme, që përfshinin mbi 22,700 fëmijë dhe të rritur me ADHD.
Krahasimi i disa barnave tregoi se shumica shkaktojnë rritje të vogla në presionin e gjakut, rrahjet e zemrës dhe tregues të tjerë të aktivitetit elektrik të zemrës.
Nuk u gjetën dallime domethënëse midis barnave stimulante dhe atyre jostimulante për ADHD. Vetëm ilaçi guanfacine shkaktoi ulje të presionit të gjakut dhe të rrahjeve të zemrës, shkruan burimi Health Day përcjell Gazeta Shneta.
Hulumtuesi kryesor i studimit theksoi se “raporti rrezik-përfitim është qetësues për personat që marrin medikamente për ADHD”.
Megjithatë, u shtua se është e rëndësishme që mjekët të monitorojnë shëndetin e zemrës tek të gjithë pacientët që përdorin këto barna.
Ky studim siguron informacion të vlefshëm për prindërit dhe pacientët që shqetësohen për efektet kardiake të barnave për ADHD, duke konfirmuar se ndryshimet në parametrat kryesorë të zemrës janë zakonisht të vogla dhe të menaxhueshme.
Studimi u publikua në revistën “The Lancet Psychiatry”. /Gazeta Shneta/