Një studim i publikuar në revistën shkencore Frontiers in Microbiology ka zbuluar se bakteret që jetojnë në zorrën tonë ndikojnë drejtpërdrejt në mënyrën si flemë dhe se cilësia e gjumit, nga ana tjetër, formëson përbërjen e mikrobiomës.
Ekipi ndërkombëtar i shkencëtarëve përdori metodën Mendelian Randomization për të analizuar të dhëna gjenetike dhe mikrobiale nga mijëra pjesëmarrës, shkruan Frontiere, transmeton Gazeta Shneta.
Ata zbuluan se disa lloje bakteresh, si Faecalibacterium dhe Bifidobacterium, lidhen me gjumë më të gjatë dhe më të qëndrueshëm, ndërsa mungesa e tyre mund të ndikojë në probleme si pagjumësia, lodhja kronike dhe prishja e ritmeve cirkadiane.
Sipas autorëve, kjo lidhje është dyanshme:
- Kur gjumi është i dobët, ndryshon balanca e mikrobeve në zorrë;
- Kur mikrobioma është e varfër, prodhohen më pak substanca si serotonina dhe acidet yndyrore me zinxhir të shkurtër, që ndihmojnë trurin të qetësohet dhe të ruajë ritmin natyror të gjumit.
Studiuesit theksojnë se këto gjetje mund të hapin rrugën për trajtime të reja natyrale për çrregullimet e gjumit, përmes ushqimit, probiotikëve ose orareve të rregullta të ngrënies.
“Gjumë i mirë dhe zorrë të shëndetshme shkojnë dorë për dore,” thuhet në raportin e studimit. /Gazeta Shneta/