Një qytetar me inicalet P.B nga Kosova ka ndarë përvojën e tij gjatë një rasti urgjent në familje, ku vizitoi disa klinika në QKUK dhe Ndihmën e Shpejtë në Prishtinë.
Ai përshkruan se pritjet për ekzaminime, përfshirë CT-në, ishin shumë më të shpejta se sa i kishte pritur, duke u kryer brenda minutave. Sipas tij, edhe infrastruktura dhe organizimi nëpër klinika duken të përmirësuara krahasuar me vitet e mëparshme, përcjell Gazeta Shneta.
Edhe pse familja ka sigurim privat, ata zgjodhën të bëjnë të gjitha kontrollet në sektorin publik dhe thonë se nuk kanë pasur nevojë për asnjë ndërhyrje apo njohje për të marrë trajtimin.
“Ky është ndryshim i vërtetë, sidomos kur e krahasoj me vitet e kaluara, – shkruan ndër të tjerash.
Ai shton se edhe jashtë vendit pritjet për shërbime të ngjashme zakonisht janë më të gjata, ndaj përvoja e tij në Kosovë ishte më e shpejtë se sa e ka përjetuar më herët në shtete perëndimore.
Në fund, ai vlerëson edhe punonjësit e sigurimit në hyrjet e klinikave për qasjen dhe gatishmërinë për të ndihmuar.
Postimi i plotë:
Falënderim për sistemin shëndetësor në Kosovë, me theks të veçantë ndihmën e shpejtë në Prishtinë dhe QKUK-në!
Patëm një rast paksa urgjent dhe isha i mahnitur me ndryshimet, pritjen, zellin dhe kujdesin I cili u shpërfaq, në disa klinika që I vizituam atë natë!
Ndryshime drastike, si në objekte, ashtu edhe në kujdes, si nga mjekët ashtu edhe nga stafi tjetër medicinal!
Perveç kujdesit, edhe pritjet për CT dhe kontrollet tjera, ishin tashmë punë minutash, e jo javësh apo muajsh!
Edhe pse të paisur me sigurim privat shëndetësor, prapë vendosëm që të gjitha kēto kontrolla t’i bëjmë në klinikat tona shtetërore, dhe me krenari mund të ju them se nga ne veçse e morën notën10!
Pasi që e kam provuar edhe përëndimin, ju garantoj që as atje nuk ka shansa që këto shërbime të kryhen pa pritje të gjata!
Andaj, njerëzit mund të flasin çka të dojnë, por përvoja ime ishte e tillë, pa e “njoftuar” apo munduar askend, edhe pse në shëndetësi kam shumë familjar dhe shoqëri!
PS
Një falenderim I veçantë shkonë edhe për punëtorët e sigurimit, që rrinë te dera, të respektueshëm dhe të gatshën në çdo çastë për të ndihmuar!
Ky është ndryshim, sidomos kur krahasohet me vitet e kaluara, andaj respekt për punën e bërë!