Vaksinimi kundër COVID-19 në SHBA rrezikon të bjerë edhe më shumë këtë sezon, paralajmërojnë ekspertët, pasi qeveria federale ka ndryshuar rekomandimet zyrtare dhe ka krijuar paqartësi për qytetarët.
Vetëm 23% e amerikanëve të rritur morën një dozë të vaksinës në sezonin 2024–25, shumë më pak se për gripin.
Ndërkohë, COVID mbetet fatal: mbi 31 mijë vdekje u raportuan vitin e kaluar, shkruan MedicalXpress transmeton Gazeta Shneta.
Administrata aktuale ka kufizuar vaksinat vetëm për personat mbi 65 vjeç dhe ata me sëmundje kronike, ndërsa CDC ka hequr dorë nga rekomandimi universal.
Kjo ka sjellë një mozaik rregullash nëpër shtete: disa u lejojnë farmacive ta japin vaksinën pa recetë, të tjerat – kryesisht republikane kërkojnë recetë, duke e vështirësuar aksesin.
Ekspertët e shëndetit thonë se mesazhet e përziera, barierat e reja dhe dezinformimi pritet të ulin edhe më shumë gatishmërinë për t’u vaksinuar, sidomos tek të rinjtë dhe komunitetet me rrezik më të lartë./Gazeta Shneta/