Fëmijët e nënave që kanë pasur çrregullime të të ngrënit para shtatzënisë kanë më shumë gjasa të zhvillojnë astmë dhe fishkëllimë në frymëmarrje, tregon një studim i ri i publikuar në Thorax.
Sipas hulumtimit, këto gra kanë 26% rrezik më të lartë që fëmijët e tyre të zhvillojnë astmë në moshë shkollore dhe 25% rrezik më të lartë për fishkëllimë në moshë parashkollore, shkruan HealthDay transmeton Gazeta Shneta.
Lidhja mbetet e fortë edhe kur merren parasysh çrregullime të tjera mendore si depresioni apo ankthi.
Studimi analizoi të dhënat e 131,500 nënave dhe fëmijëve në Europë dhe tregoi se çrregullimet e të ngrënit mund të ndikojnë në zhvillimin e mushkërive të fetusit, duke qenë se lidhen edhe me lindje të parakohshme dhe peshë të ulët të foshnjës.
Studiuesit rekomandojnë që skriningu për çrregullime të të ngrënit të përfshihet në kujdesin prenatal, për të ulur rrezikun e problemeve respiratore tek fëmijët./Gazeta Shneta/