Policia e Kosovës po heton dy raste vdekjesh të dyshimta që kanë ndodhur të mërkurën në Fushë-Kosovë dhe Rahovec.
Në rastin e parë, një grua është gjetur e vdekur në shtëpinë e saj në Fushë-Kosovë. Sipas raportit 24-orësh të Policisë, viktima është gjetur pa shenja jete, ndërsa vdekjen e saj e ka konstatuar mjeku kujdestar.
Rasti i dytë ka ndodhur në Rahovec, ku një grua tjetër është dërguar pa shenja jete në Spitalin Rajonal të Gjakovës. Edhe në këtë rast, mjeku kujdestar ka konfirmuar vdekjen.
Me urdhër të prokurorit, të dy trupat janë dërguar në Institutin e Mjekësisë Ligjore për obduksion, ndërsa hetimet për rrethanat e vdekjeve po vazhdojnë.
“Rr. Kadri Minushi, Fushë Kosovë 10.12.2025, 16:11. Është raportuar se në shtëpinë e saj është gjetur pa shenja jete viktima femër kosovare. Vdekjen e viktimës e ka konstatuar mjeku kujdestar. Me vendim të prokurorit trupi i pa jetë është dërguar në IML për obduksion”.
“Fsh. Ratkoc, Rahovec 10.12.2025, 10:30-11:00. Është raportuar se viktima femër kosovare, është sjellë pa shenja jete në Spitalin Rajonal të Gjakovës. Vdekjen e viktimës e ka konstatuar mjeku kujdestar. Me vendim të prokurorit trupi i pa jetë është dërguar në IML për obduksion”