Ky studim i botuar në Environment International konstaton se ekspozimi ndaj substancave të quajtura “forever chemicals” veçanërisht PFOS dhe PCB lidhet me një rrezik të ndjeshëm më të lartë për zhvillimin e sklerozës multiple (MS), një sëmundje kronike autoimune që prek sistemin nervor qendror.
Analiza përfshiu gjakun e rreth 900 pacientëve me MS të sapo‑diagnozuar dhe krahasimin me një grup kontrolli. Rezultatet treguan se personat me nivele më të larta të këtyre kimikateve kishin pothuajse dyfishin e mundësisë për t’u diagnostikuar me MS, edhe pasi u morën parasysh faktorë të tjerë si stili i jetesës ose gjenetika, shkruan People, transmeton Gazeta Shneta.
Një gjetje interesante ishte se individët me një variant gjenetik që zakonisht lidhet me rrezik më të ulët të MS‑it ende kishin rrezik të rritur kur ekspozimi ndaj PFOS ishte i lartë duke sugjeruar një ndërveprim kompleks mes predispozitës gjenetike dhe mjedisit.
Ky studim nënvizon nevojën për analizimin e kombinimit të kimikateve dhe jo vetëm të substancave individuale, sepse njerëzit në praktikë ekspozohen njëkohësisht ndaj shumë komponimeve.
Për më tepër, këto substanca që nuk dekompozohen lehtë në natyrë vazhdojnë të gjenden në ushqim, ujë, veshje dhe produkte të përditshme. /Gazeta Shneta/