Një studim i ri i publikuar në revistën Brain & Behavior tregon se adoleshentët që kalojnë më shumë kohë duke përdorur telefona, kompjuterë apo tableta flenë më keq dhe kanë më pak zakone të shëndetshme.
Studimi është kryer me 700 adoleshentë në Turqi dhe bazohet në pyetësorë për gjumin, përdorimin e ekraneve dhe stilin e jetesës. Rezultatet tregojnë se sa më shumë kohë para ekraneve, aq më e dobët cilësia e gjumit.
Po ashtu, adoleshentët me ekspozim të lartë ndaj ekraneve nuk e shohin stilin e shëndetshëm të jetesës si prioritet, përfshirë ushqimin e mirë dhe aktivitetin fizik.
Sipas studiuesve, gjumi i dobët çon në më shumë përdorim të ekraneve, ndërsa kjo ndikon negativisht në zakonet e shëndetshme, duke krijuar një rreth vicioz.
Ekspertët rekomandojnë uljen e kohës para ekraneve, më shumë ndërveprim social dhe aktivitete jashtë teknologjisë, në mënyrë që adoleshentët të flenë më mirë dhe të kenë një stil jetese më të shëndetshëm./Gazeta Shneta/