Spitali i Përgjithshëm i Pejës ka publikuar raportin ditor për aktivitetin e stafit shëndetësor gjatë 24 orëve të fundit.
Sipas të dhënave, gjatë kësaj periudhe janë kryer 84 ehokardiografi, 466 vizita specialistike dhe 11 operacione. Po ashtu, janë regjistruar 35 pranime të reja, ndërsa aktualisht janë të shtrirë 179 pacientë.
Në laborator janë kryer gjithsej 3,549 analiza për 259 pacientë, ndërsa shërbimi i dializës ka ofruar 34 trajtime. Shërbimet imazherike përfshijnë 97 rëntgen, 66 ultrazëra dhe 13 MRI, ndërsa janë realizuar edhe 5 gastroskopi, 6 ergometri dhe 45 shërbime fiziatrike.
Spitali thekson se stafi vazhdon punën pa ndërprerje për të garantuar kujdes të vazhdueshëm për të gjithë pacientët./Gazeta Shneta/
