Spitali i Përgjithshëm i Gjakovës ka publikuar Raportin Vjetor për vitin 2025 për Repartin e Internos, i cili përmbledh të dhëna mbi aktivitetin spitalor gjatë këtij viti.
Sipas raportit zyrtar, gjatë vitit 2025 në Repartin e Internos janë pranuar gjithsej 1,712 pacientë. Gjatë kësaj periudhe janë realizuar 2,769 vizita specialistike në repart, si dhe 4,224 vizita ambulatore specialistike.
Po ashtu, janë kryer 506 konsulta për pacientë në reparte të tjera.
Raporti tregon se 38 pacientë janë transferuar në Qendrën Klinike Universitare të Kosovës (QKUK) për trajtim të mëtejmë.
Në kuadër të procedurave diagnostike dhe terapeutike, gjatë vitit janë realizuar 3,783 EKG, 2,669 analiza laboratorike, 434 RTG pulmonare, 218 ekzaminime EHO dhe 35 endoskopi gastroskopike.
Gjithashtu, janë kryer 865 transfuzione gjaku, 34 punksione abdominale dhe 116 venepunksione. Sipas raportit, gjatë vitit 2025 janë aplikuar 876 doza të Faktor VIII.
Raporti vjetor evidenton se në Repartin e Internos janë trajtuar 115 pacientë me sëmundje malinje, ndërsa janë administruar 103 terapi biologjike./Gazeta Shneta/