Rehabilitimi pas goditjes në tru mund të përmirësohet ndjeshëm nëse terapia fokusohet në krahun më pak të dëmtuar, sipas një studimi të publikuar në JAMA Neurology.
Ndryshe nga qasja tradicionale që synon rikthimin e funksionit në anën më të prekur të trupit, studiuesit vërejtën se forcimi dhe koordinimi i “krahut të mirë” ndihmon pacientët të kryejnë më lehtë aktivitetet e përditshme.
Në studim u përfshinë 53 pacientë me stroke, të cilët u ndanë në dy grupe. Një grup iu nënshtrua terapisë së fokusuar në krahun më pak të dëmtuar, ndërsa grupi tjetër mori trajtim standard për krahun më të prekur.
Pas pesë javësh terapi, pacientët e grupit të parë shënuan përmirësim rreth 12% në testet e shkathtësisë dhe kontrollit të lëvizjes, ndërsa rezultatet u ruajtën për të paktën gjashtë muaj.
Sipas autorëve të studimit, kjo qasje mund të rrisë pavarësinë funksionale të të mbijetuarve nga stroke, të përmirësojë cilësinë e jetës dhe të ulë ndjeshëm barrën e kujdesit për familjarët dhe kujdestarët./Gazeta Shneta/