Komisioni Qendror i Zgjedhjeve i Odës së Mjekëve të Kosovës ka certifikuar kandidatët për zgjedhjet e Kuvendit të OMK-së.
Vendimi është marrë në mbledhjen e mbajtur sot, pas shqyrtimit të rekomandimeve të Sekretariatit të KQZ-së lidhur me fletë-aplikacionet e dorëzuara nga kandidatët, përcjell Gazeta Shneta.
Lista e plotë e kandidaturave të certifikuara është publikuar në ueb-faqen zyrtare të OMK-së dhe mund të gjeni në këtë vegzë: Lista me Kandidaturat e Çertifikuara nga Komisioni Qendror i Zgjedhjeve i OMK- 06.02.2026.
Nga OMK-ja bëhet e ditur se të gjithë anëtarët e Odës së Mjekëve të Kosovës, të cilët kanë parashtruar fletë-aplikimet e tyre, por nuk figurojnë në listën e publikuar, nuk janë certifikuar për kandidim.
Po ashtu, OMK-ja ka njoftuar se kandidatët e pakënaqur me vendimin kanë të drejtë ankese. Sipas këshillës juridike, ankesat mund të paraqiten brenda afatit prej 24 orësh nga momenti i publikimit të listës.
“Të gjithë parashtruesve të kandidaturave që nuk janë certifikuar, mund t’i paraqesin ankesat e tyre në afat prej 24 orëve nga ora e publikimit të kësaj liste. Ankesa i drejtohet Komisionit Qendror të Zgjedhjeve. Ankesat duhet të parashtrohen në formë elektronike në adresën zyrtare të Odës [email protected]“ thuhet në njoftimin e OMK -së./Gazeta Shneta/