Një studim i ri i publikuar në JAMA Psychiatry sugjeron se dieta ketogjenike mund të ndihmojë në uljen e simptomave të depresionit tek personat që nuk reagojnë ndaj trajtimeve standarde.
Në studim u përfshinë 88 persona me depresion rezistent, ku ata që ndoqën dietën keto shënuan përmirësim pak më të madh të simptomave krahasuar me grupin që konsumoi më shumë ushqime bimore.
Megjithatë, studiuesit theksojnë se përfitimet janë të kufizuara dhe se dieta keto është e vështirë për t’u mbajtur në afat të gjatë.
Ekspertët rekomandojnë që dieta keto të shihet vetëm si trajtim shtesë dhe jo zëvendësim i terapive ekzistuese, ndërsa nevojiten studime të mëtejshme për efektet afatgjata./Gazeta Shneta/