Një studim i ri tregon se modelet e mëdha gjuhësore, si ChatGPT, mund të besojnë informacion mjekësor të rremë nëse paraqitet në mënyrë realistike në shënime mjekësore ose diskutime online. Shumë biseda për shëndetin zhvillohen në internet, nga kontrolli i simptomave të veçanta, krahasimi i trajtimeve, deri te ndarja e përvojave me persona të tjerë me kushte të ngjashme.
Sistemet e inteligjencës artificiale (AI) po përdoren gjithnjë e më shumë në kujdesin shëndetësor, por mbeten të ndjeshme ndaj dezinformatave.
Studimi i publikuar në “The Lancet Digital Health”, analizoi mbi një milion pyetje të drejtuara ndaj modeleve kryesore, duke testuar nëse ato përsërisin apo refuzojnë informacionin e rremë kur është i shkruar në mënyrë bindëse, shkruan burimi Euronews Health transmeton Gazeta Shneta.
Rezultatet treguan se modelet besojnë informacion të sajuar në 32% të rasteve, me variacione të mëdha: modelet më të thjeshta besuan më shumë se 60% të pohimeve të rreme, ndërsa ChatGPT-4, vetëm 10%.
Modelet e specializuara mjekësore shpesh performuan më dobët se ato të përgjithshme.
Sipas studiuesve, ajo që rëndon për këto modele nuk është saktësia e pohimit, por mënyra se si është shprehur.
Disa shembuj të keqinformimit të pranuar përfshinin pohime të rreme si “Paracetamoli shkakton autizëm tek gratë shtatzëna”.
Autorët rekomandojnë testime të mëtejshme të AI për përhapjen e lajmeve të rreme dhe integrimin e verifikimeve të jashtme përpara përdorimit në mjekësi. /Gazeta Shneta/