Spitali i Përgjithshëm i Pejës ka publikuar raportin ditor të punës për 24 orët e fundit.
Sipas të dhënave, aktualisht në këtë institucion janë të shtrirë 192 pacientë, ndërsa gjatë ditës së djeshme janë regjistruar 28 pranime të reja.
Janë realizuar 439 vizita specialistike. Në shërbimet diagnostike janë kryer 99 rëntgen, 60 ultrazëra dhe 17 ekzaminime me rezonancë magnetike (MRI).
Gjithashtu, 222 pacientë kanë kryer 3,207 analiza laboratorike. Në sallat operative janë realizuar 11 operacione.
Raporti përfshin edhe 30 seanca të dializës, 10 gastroskopi, 7 ehokardiografi dhe 7 ergometri, si dhe 60 shërbime fiziatrike.
Sa i përket lindjeve, nga tri lindje të regjistruara, të tria foshnjat e lindura janë vajza./Gazeta Shneta/