Spitali i Përgjithshëm në Pejë ka bërë të ditur se gjatë 24 orëve të fundit janë realizuar 18 operacione.
Sipas njoftimit të spitalit, në të njëjtën periudhë janë kryer 407 vizita specialistike dhe janë regjistruar 36 pranime të reja të pacientëve, ndërsa aktualisht në këtë institucion po trajtohen 193 pacientë të shtrirë.
Në shërbimet diagnostike dhe laboratorike, 252 pacientë kanë kryer gjithsej 3,246 analiza laboratorike. Po ashtu janë realizuar 36 dializa.
Gjatë kësaj periudhe janë regjistruar edhe 3 lindje, një djalë dhe dy vajza.
Në fushën e imazherisë dhe ekzaminimeve të tjera janë kryer 104 rëntgen, 56 ultrazëra dhe 22 MRI.
Po ashtu janë realizuar 14 ekzaminime të ekokardiografisë, 9 ergometri, 7 gastroskopi dhe 1 kolonoskopi.
Ndërkohë, në repartin e fiziatrisë janë ofruar 56 shërbime për pacientët./Gazeta Shneta/